როგორ შევამოწმო, უჭერს თუ არა მხარს ჩემი Android მოწყობილობა eSIM-ს?

არის თუ არა მოწყობილობა eSIM-თავსებადი, დამოკიდებულია იმაზე, შეიცავს თუ არა მწარმოებელი eSIM-ს თავის მოწყობილობებში. ამიტომ გვაქვს eSIM-თან თავსებადი მოწყობილობების სია მარტივი შემოწმებისთვის.

ამის მიუხედავად, არის შემთხვევები, როდესაც მოწყობილობა არ უჭერს მხარს eSIM ტექნოლოგიას მაშინაც, თუ ის სიაში შეტანილია, როგორც eSIM-თან თავსებადი. 

Android ღია ოპერაციული სისტემაა, რაც ნიშნავს, რომ მობილური მოწყობილობის ნებისმიერ მწარმოებელსა თუ ოპერატორს შეუძლია მისი ინდივიდუალურად მორგება. ზოგ ქვეყანასა და რეგიონში, შესაძლოა, წარმოებული იყოს eSIM-თან არათავსებადი მოდელები. შესაძლებელია ისიც, რომ eSIM ფუნქცია არ ჰქონდეს გააქტიურებული ოპერატორს, რომლისგანაც შეიძინეთ მოწყობილობა.

მიჰყევით ქვემოთ მოცემულ ნაბიჯებს, რომ შეამოწმოთ, უჭერს თუ არა მხარს თქვენი Android მოწყობილობა eSIM-ის ტექნოლოგიას. გახსოვდეთ, რომ ეს ნაბიჯები შეიძლება იყოს ან არ იყოს თქვენი მოწყობილობისთვის შესაბამისი. მოწყობილობის მწარმოებელთან, გამყიდველთან ან ძირითად ოპერატორთან კონსულტაცია საუკეთესო გზაა იმაში დასარწმუნებლად, რომ თქვენი მოწყობილობა eSIM-თან თავსებადია.

Samsung Galaxy მოწყობილობებზე:

1. გახსენით პარამეტრების აპი, შემდეგ კი შეხებით აირჩიეთ კავშირები.
2. შეხებით აირჩიეთ SIM-ის მმართველი.
3. თუ eSIM-ის დამატება ხელმისაწვდომია, თქვენი მოწყობილობა, სავარაუდოდ, უჭერს მხარს eSIM-ებს.

გახსოვდეთ, რომ დაუკავშირდით თქვენს პროვაიდერს ან მოწყობილობის მწარმოებელს, რათა დაადასტუროთ, შესაძლებელია თუ არა ზემოაღნიშნული ნაბიჯები თქვენი მოწყობილობისთვის.  

Google Pixel-ის მოწყობილობებზე:

1. გახსენით პარამეტრების აპი, შემდეგ კი შეხებით აირჩიეთ ქსელი და ინტერნეტი.
2. შეხებით აირჩიეთ + ნიშანი SIM-ების გვერდით.

• თუ „მობილურ ქსელთან დაკავშირების“ გვერდზე მოცემულია ვარიანტი „სანაცვლოდ ჩამოვტვირთოთ SIM?“ თქვენი მოწყობილობა არის eSIM-თან თავსებადი.

გახსოვდეთ, რომ დაუკავშირდით თქვენს პროვაიდერს ან მოწყობილობის მწარმოებელს, რათა დაადასტუროთ, შესაძლებელია თუ არა ზემოაღნიშნული ნაბიჯები თქვენი მოწყობილობისთვის.  

სხვა Android მოწყობილობებისთვის:

1. აკრიფეთ *#06# და დააჭირეთ დარეკვის ღილაკს.
2. თუ თქვენი მოწყობილობა არის eSIM-თან თავსებადი, უნდა შეძლოთ მოწყობილობის eSIM-ის უნიკალური საიდენტიფიკაციო ნომრის (EID) ნახვა. 

თქვენი მოწყობილობა ასევე უნდა იყოს განბლოკილი ოპერატორის მიერ eSIM-ის გამოსაყენებლად. ეს შესაძლებლობას გაძლევთ, გამოიყენოთ სხვადასხვა ოპერატორის რამდენიმე SIM და/ან eSIM. მიჰყევით ამ ნაბიჯებს, რომ შეამოწმოთ, არის თუ არა თქვენი Android მოწყობილობა განბლოკილი. 

1. ამოიღეთ თქვენი ტელეფონის SIM-ბარათი.
2. ჩაანაცვლეთ SIM-ბარათი სხვა ოპერატორის SIM-ბარათით. 
3. ახლა უკვე დაინახავთ, რომ ოპერატორის სახელი მთავარი ეკრანის ზედა ნაწილში შეიცვალა.
4. ახლა განახორციელეთ ზარი.

თუ ზარი ხორციელდება, თქვენი ტელეფონი განბლოკილია. თუ ზარის განხორციელებას ვერ ახერხებთ, ტელეფონი დაბლოკილია პირველ ოპერატორთან. ამ დროს, შესაძლოა, ასევე, იხილოთ შეტყობინება ეკრანზე, რომ ტელეფონი დაბლოკილია.

თუ ჯერ კიდევ არ ხართ დარწმუნებული, თქვენი მოწყობილობის მწარმოებელთან, გამყიდველთან ან ძირითად ოპერატორთან გადაამოწმეთ, ნამდვილად არის თუ არა თქვენი მოწყობილობა eSIM-თან თავსებადი. 

თუ შეკითხვები გაქვთ, დაუკავშირდით ჩვენს მხარდაჭერის გუნდს, სიამოვნებით დაგეხმარებით!