Qurilma eSIM-ga mos keladimi, ishlab chiqaruvchi o‘z qurilmalarida eSIM-kartani o‘z ichiga oladimi-yo‘qligiga bog‘liq. Shuning uchun bizda oson tekshirish uchun eSIM-mos keluvchi qurilmalar roʻyxati mavjud.
Lekin ayrim hollarda biror qurilma eSIM dastaklanadigan qurilmalar roʻyxatiga kiritilgan boʻlsa ham, eSIM texnologiyasini dastaklamasligi mumkin.
Android – ochiq manba kodiga ega operatsion tizimdir, shu sababli, har qanday mobil qurilma ishlab chiqaruvchisi yoki operator uni oʻz ehtiyojlari uchun moslashtirishi mumkin. Ayrim mamlakat va mintaqalarda eSIM kartani dastaklamaydigan modellar chiqarilishi mumkin. Yoki sizga qurilmani sotgan operator eSIM xususiyatini yoqmagan boʻlishi mumkin.
Android qurilmangiz eSIM kartani dastaklashi yoki dastaklamasligini tekshirish uchun quyidagi qadamlarni bajaring. Yodda tuting, bu qadamlarning ayrimlari qurilmangizga tatbiq etilmasligi mumkin. eSIM funksiyasi mavjudligini tekshirishning eng yaxshi usuli – bu qurilma ishlab chiqaruvchisi, taʼminotchi yoki asosiy operatorga murojaat qilishdir.
Samsung Galaxy qurilmalari uchun:
- Sozlamalar ilovasini ochib, Ulanish tugmasini bosing.
- SIM-karta menejeri tugmasini bosing.
- Agar eSIM qoʻshish bandi mavjud boʻlsa, qurilmangiz eSIM kartalarni dastaklashi kerak.
Yuqoridagi amallar qurilmangiz uchun mumkin yoki yoʻqligini tasdiqlash uchun provayderingiz yoki qurilma ishlab chiqaruvchisi bilan bogʻlanishni unutmang.
Google Pixel qurilmalari uchun:
- Sozlamalar ilovasini ochib, Tarmoq va internet rukniga kiring.
- eSIM yonidagi + belgisiga tegining.
- Agar Mobil tarmoqqa ulanish sahifasida “eSIM yuklab olinsinmi?” bandi boʻlsa, demak qurilmangiz eSIM kartalarni dastaklaydi.
Yuqoridagi amallar qurilmangiz uchun mumkin yoki yoʻqligini tasdiqlash uchun provayderingiz yoki qurilma ishlab chiqaruvchisi bilan bogʻlanishni unutmang.
Android qurilmalar uchun:
- *#06# raqamini terib, chaqiruv tugmasini bosing.
- Agar qurilmangizda eSIM dastaklansa, eSIM kartaning unikal identifikatsiya raqami (EID) chiqadi.
eSIMdan foydalanish uchun qurilmangiz ham operator tomonidan qulfdan chiqarilgan bo‘lishi kerak. Bu sizga turli operatorlarning bir qancha SIM va/yoki eSIM kartalaridan foydalanish imkonini beradi. Android qurilmangiz operatorga bogʻlangan yoki bogʻlanmaganini tekshirish uchun quyidagi qadamlarni bajaring.
- Telefon SIM kartasini chiqarib oling.
- Boshqa operator SIM-kartasini qoʻying.
- Ekranning yuqori qismidagi operator nomi oʻzgarishi kerak.
- Endi kimgadir chaqiruv qilib koʻring.
Agar chaqiruv boshlansa, demak telefoningiz operatorga bogʻlanmagan. Agar chaqiruv qilib boʻlmasa, bu telefon birinchi operatorga bogʻlangan. Bu vaqtda ekraningizda telefon operatorga bogʻlangani haqida bildirishnoma chiqishi mumkin.
Hali ham ishonchingiz komil boʻlmasa, eSIM ishlatish imkoniyatini tekshirish uchun qurilma ishlab chiqaruvchisi, taʼminotchi yoki asosiy operatorga murojaat qiling.
Savollaringiz boʻlsa, yordam xizmatiga murojaat qiling va biz bajonidil yordam beramiz!