Nag-aalok ang Airalo ng mga package ng eSIM sa higit 200 bansa at rehiyon sa buong mundo — kung saan ang bawat isa ay may katumbas na dami ng data para sa partikular na tagal ng panahon. May kasamang mga pagtawag at pag-text ang ilang mga package, tulad ng aming pandaigdigang mga eSIM ng Discover+.
Ang tagal ng panahong puwede mong magamit ang package mo ay tinatawag na validity period. Puwede mong malaman ang higit pa tungkol sa paggamit ng data at mga validity period mula sa aming mga sagot sa sumusunod na mga madalas itanong.
Kailan magsisimula ang validity period ko?
Magsisimula ang validity period ng eSIM package mo kapag nangyari ang isa sa mga sumusunod:
- Kapag kumonekta ka sa isang sinusurportahang network sa coverage area nito
- Kapag nag-install ka ng iyong eSIM
Para sa karamihan ng mga package ng eSIM ng Airalo, nagsisimula ang validity period kapag kumonekta ang eSIM sa isang sinusuportahang network. Pakisigurong tingnan ang Patakaran sa Validity ng iyong package — makakatulong ito sa iyo na magplano kung kailan ii-install ang eSIM mo.
Puwede mong tingnan ang Patakaran sa Validity sa pamamagitan ng paggawa sa sumusunod:
- Pumunta sa Mga eSIM ko > MGA DETALYE para sa nauugnay na eSIM.
- I-tap o i-click ang IPAKITA ANG HIGIT PA.
- Hanapin ang "PATAKARAN SA VALIDITY" — ililista ang nauugnay na impormasyon.
Paano hinahati-hat ang data ng eSIM sa kabuuan ng validity period?
Para sa kabuuan ng validity period ang data na kasama sa iyong eSIM, hindi iyon hinahati-hati nang pantay-pantay bawat araw.
Halimbawa, kung bumili ka ng 1 GB - 7 araw na eSIM package, mayroon kang 1 GB ng data na magagamit sa kabuuan ng 7 araw na panahon, hindi 1 GB ng data bawat araw.
Puwede ko bang gamitin ang lahat ng data ko sa unang araw ng validity?
Oo, puwede mong gamitin ang lahat ng data ng package mo sa unang araw, o anumang araw, ng iyong validity period. Puwede kang bumili ng package ng top-up para sa eSIM mo kung nag-aalala ka sa paggamit ng lahat ng data mo bago matapos ang validity period.
Kung gumagamit ka ng eSIM package na may unlimited na data, hindi ka mauubusan ng data habang nasa validity period. Gayunpaman, puwede kang makaranas ng mas mabagal na koneksyon sa mga araw na gumagamit ka ng higit sa tinukoy na dami ng data. Tutukuyin ang daming ito sa Karagdagang Impormasyon para sa nauugnay na eSIM.
Paano ko ima-manage ang paggamit ng data para maiwasang maubusan ng data nang maaga?
Para sa karamihan ng mga package ng eSIM, puwede kang pumunta sa Aking Mga eSIM sa app ng Airalo o mga widget ng Airalo (iOS lang) para subaybayan ang iyong paggamit ng data. Tatanggap ka rin ng mga notification sa kaunting data kapag umabot ang eSIM mo sa 25% at 10% na natitirang data.
Para maiwasan ang paggamit ng masyadong maraming data, baka kailangan mong isaalang-alang ang pag-iwas sa mga aktibidad o app na umuubos ng masyadong maraming data.
Ano ang mangyayari kung maubusan ako ng data bago ang pagtatapos ng validity period?
Kung maubusan ka ng data bago ang pagtatapos ng validity period, puwede kang bumili ng package ng top-up. Para magawa iyon, pumunta sa Aking Mga eSIM > TOP UP para sa nauugnay na eSIM.
Puwede ko bang i-extend ang validity period ng data package ko?
Hindi, hindi posible na i-extend ang validity period ng data package mo.
Kung may mga natitira ka pang tanong o kailangan pa ng tulong, available ang support team namin ng 24/7 — palagi kaming masayang makatulong.