Pse nuk mund ta gjej kartën time eSIM kur aplikacioni Airalo thotë se është instaluar?

Kur instaloni një kartë eSIM, do të shihni një mesazh konfirmimi në aplikacionin Airalo që karta juaj eSIM është instaluar me sukses. Ky mesazh shfaqet në udhëzimet e instalimit për kartën përkatëse eSIM.

Në këtë artikull do t'u përgjigjemi këtyre pyetjeve:

• Pse nuk arrij të gjej eSIM e instaluar në pajisjen time?
• Si mund të parandaloj pamundësinë e identifikimit të kartës sime të instaluar eSIM?
• Çfarë mund të bëj për të identifikuar kartën time të instaluar eSIM?

Pse nuk arrij të gjej eSIM e instaluar në pajisjen time?

Në disa raste, mund të keni vështirësi në identifikimin e kartës përkatëse eSIM në pajisjen tuaj. Kjo mund të ndodhë për disa arsye:

• Karta përkatëse eSIM ka një etiketë që nuk e njihni, si p.sh. "Personale", "Dytësore", "Punë" ose "Udhëtim".
• Pajisja juaj ka disa karta eSIM të instaluara me etiketa të ngjashme.
• Karta përkatëse eSIM është fshirë nga pajisja juaj.

Në varësi të arsyes, hapa të ndryshme do t'ju ndihmojnë të identifikoni kartën e duhur eSIM.

Si mund të parandaloj pamundësinë e identifikimit të kartës sime të instaluar eSIM?

Ne gjithmonë ju rekomandojmë ta etiketoni kartën tuaj eSIM gjatë instalimit.

• Zgjidhni një emër unik që identifikohet lehtë si shteti ose rajoni për kartën eSIM (d.m.th. "Francë" ose "Europë").
• Në disa raste, është mirë që në etiketë të përfshini vendin ose rajonin që mbulohet nga eSIM.
• Përveç kësaj, mos e fshini kartën tuaj eSIM derisa të jeni absolutisht të sigurt që nuk ju duhet më.

Çfarë mund të bëj për të identifikuar kartën time të instaluar eSIM?

Për të identifikuar eSIM e instaluar, do t'ju duhet të dini ICCID e kartës përkatëse eSIM.

ICCID ose ndryshe Identifikuesi i Kartës së Qarkut të Integruar, është një identifikues unik që i vendoset çdo eSIM. Ai përbëhet nga 18-22 shifra. Për të gjetur ICCID e kartës përkatëse eSIM, bëni këto:

1. Shkoni te "Kartat e mia eSIM" në aplikacionin Airalo.

2. Drejtohuni te karta përkatëse eSIM.

3. Gjeni "ICCID" dhe numrin korrespondues të renditur në eSIM.

Mund të gjeni dhe kopjoni gjithashtu ICCID nga DETAJTE e kartës përkatëse eSIM.

Pasi ta keni gjetur ICCID, do t'ju duhet të krahasoni numrin me kartat eSIM të instaluara në pajisjen tuaj. Mos harroni, karta përkatëse eSIM duhet të ndizet për të parë ICCID te cilësimet, pavarësisht pajisjes suaj.

Për pajisjet iOS:

Shkoni te Cilësimet > Të përgjithshme > Rreth dhe lëvizni poshtë derisa të shikoni kartat e listuara aktive SIM.

Për pajisjet Samsung:

Shkoni te Cilësimet > Rreth telefonit/pajisjes > Statusi/identiteti i telefonit > Rrjeti > Karta SIM dhe kërkoni detajet ICCID.

Për pajisjet Pixel:

Shkoni te Cilësimet > Rreth telefonit > Statusi SIM dhe kërkoni detajet ICCID.

Nëse keni disa karta eSIM në pajisjen tuaj, mund t'ju duhet të aktivizoni manualisht secilën eSIM dhe të përsëritni hapat derisa të gjeni kartën eSIM me numrin korrespondues ICCID.

Nëse nuk arrini akoma të gjeni një numër korrespondues ICCID, ka mundësi që karta përkatëse eSIM të jetë fshirë nga pajisja. Përndryshe, ka mundësi të keni hasur në probleme që kanë ndërhyrë në procesin e instalimit. Sidoqoftë, kontaktoni ekipin tonë të mbështetjes për ndihmë.

Nëse keni pyetje të tjera ose ju duhet ndihmë e mëtejshme, ekipi ynë i mbështetjes është në dispozicion 24/7 — jemi gjithmonë të lumtur t'ju ndihmojmë.